您的位置:首页 >> 特约专家 >> 國際米蘭未入局 冇熱刺符

國際米蘭未入局 冇熱刺符

来源:网络  时间:2018年09月19日  编辑:8A体育

今屆歐聯開始增設「頭場」,大部分賽日都會分2個時段比賽,周三凌晨零時55分上演2場「死亡B組」大戰,分別由國際米蘭主場鬥熱刺,與及巴塞隆拿迎戰燕豪芬。先講國米主場鬥熱刺,闊別6屆歐聯嘅國米今夏簽入尼恩高蘭、迪維積等猛,配合原有嘅射手莫路伊卡迪及克羅地亞孖寶波索域、比列錫,希望喺歐聯有一番作為,可惜球隊開季聯賽4場僅得1勝,狀態未入局;熱刺雖然喺英超亦2連敗,但佢哋對上3季都有份出戰歐聯,上屆分組賽更以5勝1和不敗成績、力壓最終冠軍皇家馬德里以首名出線,加上去屆16強作客另一支意大利球隊祖雲達斯亦保持不敗,平手盤可坐和望贏。

(Now 643、有線662及602台周三凌晨零時55分直播)

巴塞讓得辣寧吼大盤
同組另一場比賽由巴塞隆拿喺魯營撲擊燕豪芬,巴塞上屆喺8強意外輸畀羅馬被淘汰,今屆捲土重來決心唔需要懷疑,不過巴塞今場要讓到兩球半、三球盤口太辣,睇番巴塞最近2場聯賽對侯爾斯卡及皇家蘇斯達都係先失波,防線唔算穩陣。燕豪芬於今屆歐聯附加賽以總比數6比2大勝巴迪晉級,而且近2場聯賽更狂轟13球,今場隨時以攻代守,轉捧3.5球嘅大盤更穩陣。

(Now 644、有線603及604台周三凌晨零時55分直播)