您的位置:首页 >> 特约专家 >> 工廠仔墨城讓唔起流浪者

工廠仔墨城讓唔起流浪者

来源:网络  时间:2017年01月06日  编辑:8A体育

 
主帥劈炮 軍心動搖
周五澳職獨腳戲,墨爾本城主場火併西悉尼流浪者,雖然墨爾本城排名高過對手,但球隊最近狀態下滑,近5仗聯賽只得4和1負,荷蘭籍教練雲斯捷更突然劈炮唔撈,軍心大受動搖,因此今仗即使坐擁地利優勢,亦不宜高估,佢哋仲要讓半一,梗係捧下盤穩陣。

(有線64及203台周五下午4時50分直播)

老竇患癌 雲斯捷辭工返荷
墨爾本城上仗對聯賽尾二嘅中岸水手都拎唔到甜頭,縱使有卡希爾先拔頭籌,但換邊後竟然被對手連入2球反先,最終踢到補時先靠12碼驚險逼和,可見球隊表現甚差。最慘係教練雲斯捷喺毫無先兆下辭職,佢因為要返荷蘭照顧患上癌症嘅爸爸而離隊,今仗會由助教華簡尼斯暫時領軍,群龍無首,想反彈真係談何容易。

至於作客嘅西悉尼流浪者,近7仗聯賽只係輸過1次,包括早前作客打和前列分子布里斯班獅吼,反映球隊踢法非常硬淨,唔易被對手擊敗。事實上,西悉尼流浪者喺今季聯賽首循環鬥當時狀態巔峰嘅墨爾本城,亦能夠打和1比1平手,今仗再度交鋒要全身而退冇難度,一於敲西悉尼流浪者下盤。