您的位置:首页 >> 太阳报 >> 太阳拆局英超纽卡素当灾 C朗登场大晒

太阳拆局英超纽卡素当灾 C朗登场大晒

来源:网络  时间:2021年09月11日  编辑:8A体育
C朗强势回归劏「鹊」!今晚英超曼联主场迎战「喜鹊」纽卡素,亦系葡萄牙天王C朗事隔12年,重返红魔首度亮相,轰动全球,呢位大佬要证明曼联回购佢唔系感情用事,而系有实际需要,一定抢缰争士哥,加上红魔以往主场对住「喜鹊」经常大手交易,直取3.5球嘅入球大。
(Now 621周六晚10时直播)


C朗今次以36岁之龄,戏剧性重返英超入「魔」,本身已经话题多多,例如英超破例特准卡云尼改球衣号码,令佢保住「金7招牌」,佢喺2003至09年效力曼联期间,292次上阵入118球,曾缔造英超3连冠兼勇夺欧联嘅战绩,仍然令球迷津津乐道,呢位老将近14季都保持每季至少入28粒嘅高效,今次「爱回家」,梗系期待佢重建曼联王朝。


查实曼联开咧表现唔错,头3仗联赛取得2胜1和,般奴费南迪斯同格连活特各入3粒,后者更系场场有士哥,脚风奇顺,保罗普巴已交出5个助攻。而且喺主帅苏斯克查麾下,仍有卡云尼、安东尼马迪尔、连格等进攻筹码,加埋C朗如虎添翼,赛前讲到明今仗系佢回归首骚,梗系唔衰得。


「处子战」吼埋4:0波胆

纽卡素开咧后4战未赢过,包括3仗联赛只得1和2负,共失8球,后防演出惨不忍睹,正副门将卡尔达路及杜巴夫卡,因伤病问题上阵成疑,难挡红魔狂轰猛炸。翻查纪录,曼联近4次坐镇奥脱福出战纽卡素,唔单止赢晒,全开4球或以上。另外,当年C朗加盟曼联嘅处子战,面对保顿劲派4只光蛋,有埋「往绩」支持,除咗3.5球嘅入球大,钟意博高赔率嘅朋友不妨吼埋「4:0」波胆嘞!