您的位置:首页 >> 太阳报 >> 维罗纳祖记驳火骚

维罗纳祖记驳火骚

来源:网络  时间:2020年02月08日  编辑:8A体育
意甲祖云达斯作客维罗纳。啱啱牛一嘅祖记王牌C朗誓要打破名宿查斯古特连续入波纪录,不过维罗纳近7仗未输过唔讲得笑,加上祖记演惯入球骚,捧2.5球嘅大盘最好路。(myTV Gold 301、Now 638、有线654及614台周日凌晨3时45分直播)

C朗冲「10连发」新纪录
祖记王牌C朗日前(2月5日)35岁生日,球队仲特登秘密搞咗个派对兼送车畀惊喜佢,呢位「二五仔」上仗对费伦天拿省两粒,令佢头50场意甲累积40球力压朗拿度,成为自94至95年度实施赢波3分制后,喺头50场意甲入波最多嘅球员,亦係C朗连续9场联赛有进帐,同时荣膺首位喺意甲、西甲及欧联「9星连珠」嘅球员,并且追平名宿查斯古特于队史中最长连续意甲入波嘅纪录,只要今仗佢再有士哥,就可超越法国前辈,成为首位联赛「10连发」嘅祖记球员。

不过维罗纳连续7仗未输过,绝对係猪头骨唔易啃。何况祖记防守唔算稳阵,各项赛事近10仗只得3场保持不失,全开3球或以上,客W太热转捧更有分头嘅2.5球大盘好过。